Titel: He am Rhing

Album: Wenn et Trömmelche jeit

Et jitt e Fleckche op dr Ääd - halleluja
do es et Läwe levvensweet - halleluja
wo mer Kölsch un Blootwoosch kritt - halleluja
wo et de schönste Mädcher jitt - halleluja

He am Rhing, he in Kölle...
jo he am Rhing, he in Kölle
jo he am Rhing, he in Kölle
jo he in Kölle am Rhing

Wo weed jesunge und jelaach - halleluja
un och jefiert bes in de Naach - halleluja
wo zeich mer stolz die Stippefott - halleluja
wo kritt uns keine Düvel fott - halleluja

Wo trägt m’r et Hätz op d’r Zung - halleluja
wo haut m’r kräftig op die Trumm - halleluja
wo mag m’r Muuzepuckele nit - halleluja
wo sät m’r „Drink doch ene mit!“ - halleluja

Komponist: Traditional; Bearbeitung: Karl-Heinz Brand
Text: Karl-Heinz Brand
Genre: Gospel
Erscheinungsjahr: 1993
© 1993 Pavement Records

Kölner Musikladen

Hörprobe herunterladen