Titel: Sulang die Botz noch hält (live Version)

Album: Räuber live

Annemie mir han doch Ruusemondaach,
treck noch ens dat Bambusröckche ahn!
Un dann jonn mir zwei en unser Veedel,
weiss de noch, do fing doch alles ahn…
Als ich Dich et eetzte Mol jesinn han,
un Du häs mir glich e Bier jebraaht!
Doch ich hatt kein Jeld mih un wullt heim jonn,
ävver do häs Du zu mir jesaat…

Su………lang die Botz noch hält, un sulang et uns jefällt,
mir fiere Fastelovend, dat es dat Schönste op de Welt!
Wat jeit et uns dann joot, jo su unwahrscheinlich joot,
mir han bes Äschermettwoch, och met Sorje nix am Hoot!

Sin mir zwei och jitz e paar Johr älder,
han mir och paar Falde ahn de Fott?!
Dat es doch ejal un jar nit wichtig,
denn mir sin noch immer jeck em Kopp!
Kumm hück Naach verjesse m’r de Sorje,
un dann jeit et rinn en dat Jewöhl…
Jo dann drück ich Dich noch ens wie fröher,
denn dat es un bliev e schön Jeföhl!

Un wenn mir nit mih künne, un wenn et nit mih jeit,
dann singe mir em Schaukelstohl, zesamme unser Leed, jo un dat jeit…

Komponist: Karl-Heinz Brand
Text: Karl-Heinz Brand
Genre: Polka
Erscheinungsjahr: 2007
© 2007 Pavement Records

Kölner Musikladen

Hörprobe herunterladen