Titel: Kölsche Junge bütze joot

Album: Fiesta Colonia

Et jitt bei uns in Kölle vill Kölsch un och Kamelle
Doch eines es jeweß vun Hamburg bis Paris
Mer sin kein Kossverächter, nit besser un nit schläächter
Sujar im Bayernland hät jeder schon erkannt…

Kölsche Junge bütze joot, wie die Stars in Hollywood
Mädche rötsch jet her zo mir, wenn do wills ich zeich et dir
Kölsche Junge bütze joot, wie die Stars in Hollywood
Ach Marie, rötsch doch jet her, bütze es nit schwer

Mer woren en Haiti un och en New York City
sujar em Disneyland do sin mer jetz bekannt
Do kom dä Richard Gere aan un wollt vun uns ene Tip han
Jetz bütz dä akurat op ächte Kölsche Art

Drom Mädcher passt joot op, mer Kölsche sin joot drop
Mer schmecke och met Bart su wie en Appeltaat

Komponist: H. Kreissl Wurth, F. Willinghofer
Text: H. Kreissl Wurth, F. Willinghofer, Spezialtext: K.H. Brand
Genre: Polka
Erscheinungsjahr: 1996
© 1994 Pavement Records

Hörprobe herunterladen