Titel: Witfrau Schmitz (live aus dem Senftöpfchen)

Album: Echt Kölsch

Die Witfrau Schmitz vum eetste Stock steht bovven op d’r Trapp
em Bettjack un em Ungerrock, un hätt en jroße Klapp
Bes die Frau Latz vum Ungerhuus kütt met enem Bessenstill
jefääch an ihrer Düür erus, un dann jeht loss dat Spill
Woröm dann dat Jeschrei – woröm die Maulerei?

Jo die Frau Schmitz die hätt ene Spitz
un die Frau Latz die hätt en Katz
Un die Katz vun der Frau Latz
die hätt dä Schmitze Spitz jekratz
Un doröm es och he dä Krach und dä Radau
weil die Latze Katz jekratz hätt dä Wauwau

Zoeesch do weed de Muul jeschwad, su fängk dat Spillche aan
Doch hingerher weed Ähnz jemaat, dann jeht et nix wie draan
En fünf Minutte es em Jang de schönste Keilerei
vum zweite Stock dä Denze Lang, dä rof die Polizei
Dä Schutzmann vum Revier – schreit „nu wat jitt dat he?“

Die Zwei, die stonn nun am Jericht, die Schmitz un och die Latz
Die Schmitz, die hätt e deck Jeseech, die Latz es ärch zerkretz
Als Zeugin es Frau Erkelenz jeladen aus dem Haus
un außerdem noch die Frau Denz, die Zwei die sagen aus:
„Dä janze dumme Streit, kam durch ne Kleinigkeit.“

Komponist: Karl-Heinz Brand, F. Müntnich
Text: Karl-Heinz Brand, F. Müntnich
Genre: Couplet
Erscheinungsjahr: 1995
© 1995 Pavement Records

Kölner Musikladen

Hörprobe herunterladen