Titel: Pumpeleed (live aus dem Senftöpfchen)

Album: Achtung Räuber

De Feuerwehr die rennt und rennt - Tatü-tatü-tata
Vun Mertens Hein et Büdche brennt - Tatü-tatü-tata
Die Junge kummen ahnjeröck un pumpen kräftig wie verröck
un alles brüllt HURRA - doch Wasser ist nicht da
Tatü-tatü-tata – ja wat machen wir denn da?

Ahn däm kleine Schwengel litt dat doch nit
wenn die Pump kein Wasser mih jitt
denn dä kleine Schwengel dä es nit kapott
nä do es bestemp et Rühr verstopp

Doch endlich noh ner Veedelstund - Tatü-tatü-tata
Spritz jitz et Wasser us d’r Pump - Tatü-tatü-tata
Die Junge jevven sich de Hand, et Büdche es zwar avjebrannt
doch alles schreit HURRA - jitz hammer Wasser da
Tatü-tatü-tata – ja dat is ja wunderbar!

Em Stammlokal „Zum Wiesengrund“ - Tatü-tatü-tata
Do jov d’r Hauptmann dann sing Rund - Tatü-tatü-tata
Su circa noh zwölf Bier oh jo, jing hä janz langsam ens nom Klo
Et durte fass en Stund, bis hä dann endlich kunnt
Tatü-tatü-tata – verflixte Prostata!

Komponist: Karl-Heinz Brand
Text: Karl-Heinz Brand
Genre: Couplet
Erscheinungsjahr: 2001
© 2001 Pavement Records

Kölner Musikladen

Hörprobe herunterladen